एक संसार असाही भाग २४

“बाबा…तुम्ही झोपला नाही अजून? आईची तब्बेत बरी आहे ना? आज दिवसभरात खूप धावपळ केलीय बिचारीने आणि कामाच्या जास्त व्यापाने तर नेहमी तिचे पाय सुजतात. आईचे पाय तरी सुजले नाहीत ना?” फोन होल्डर वर असल्याने दामिनी काय काय बोलत होती ते दयमंतीताई देखील ऐकत होत्या. आपली लेक इतकी काळजी करते म्हणून त्यांचाही ऊर अभिमानाने भरून आला.

“दामू आईला झोप येत नव्हती म्हणून आम्ही गप्पा मारत बसलो होतो आणि गप्पा मारता मारता कधी झोपी गेली मलाही कळलं नाही..”