एक संसार असाही.. भाग 3

“असेच चार दिवस गेले या चार दिवसात तिचं फोन वापरणे अधिक वाढलं. त्यामुळे मला संशय येऊ लागला. पण मी गप्प होतो. तिचं स्वयंपाक करण्यातही लक्ष नसायचे. स्वयंपाक करतानाही हीचे फोन मधे चॅटिंग सुरूच असायचे. यामुळे एक तर भाजी खारट व्हायची किंवा पोळी खरपून जायची. अन्नही गोड लागत नव्हते. त्यामुळे एकदा आईने भाजीत मीठ जास्त पडलं म्हणून चार शब्द बोलले. तेच तिला लागलं. मी तेंव्हा जॉबवर होतो. ही गोष्ट मला माझ्या भावाकडून कळली. मी तिला फोन करून समजावलं. मला तिचा कितीही राग आला तरी खूप प्रेम करतोय मी तिच्यावर. पण दामिनी अजिबात ऐकून घेईना मग मात्र मी हाफ डे घेऊन घरी परतलो. तेंव्हा दामिनी रूम मधे होती. थोडी रडली होती. तिचे डोळे लाल झाले होते ते पाहून मला माझ्या आईचा राग आला. पण तीही तिच्या जागी बरोबर होती. ”