एक संसार असाही भाग ६

आज आठवडा असाच गेला. कोणीही दामिनीला एका शब्दाने बोलले नाही. घरी आलेल्या शेजारच्या बायका दयमंती ताईंना दामिनी विषयी विचारू लागलेल्या. महिनाभरासाठी आली आहे म्हणूनत्याही वेळ मारून नेत. वसंतराव शैक्षणिक खात्यात असल्याने त्यांच्या घरी काही बैठका होत. हे खूप आधीपासून सुरू होते. त्यामुळे दामिनी घरी दिसत असल्याने मित्र मंडळी मुलींविषयी चर्चा करत. पण वसंतराव हुशार होते. घरात बैठका असूनही ते कधीच घरातल्या बिघडलेल्या वातावरणाची जाणीव होऊ देत नसत. त्यामुळे कोणाला शंका येणं शक्य नव्हते. दामिनी देखील बाहेरचे लोक आल्यावर त्यांच्याशी हसून खेळून राहत असल्यामुळे कोण जास्त चौकशी करत नसत.