एकदा पहावे मरून भाग ३

"हितं माजी कुनाला काळजी हाय का? कोन ढुंकून पन
माज्याकडं बगत न्हाई." सुनेला तिच्या बडबडीकडे लक्ष द्यायला वेळ नव्हता. ती पटापट हात हलवत होती. आज तिला लवकर रानात जायचे होते. आज बायका सुशीच्या रानात भांगलायला होत्या. काल जरा उशीर झाला तरी चालून गेले होते कारण बायका तिच्या शेतात होत्या. पयरा केला होता तर तो पार पाडावा लागणार होता.( पयरा करणे- बायकांच्या ग्रुपने मिळून सगळ्या ग्रुपच्या शेतातील भांगलण मिळून करणे.)