फॅशन फक्त दिखाव्यासाठी

भारत देश हा विविध जाती-धर्माचा देश आहे.त्यामुळे त्या त्या प्रदेशानुसार वेशभूषा ही वेगवेगळी आहे.विविधतेने नटलेल्या आपल्या देशात फॅशन साठी अनेक पर्याय उपलब्ध असताना सुद्धा आपण केवळ दिखाव्यासाठी पाश्चिमात्य संस्कृतीअंगीकारत आहोत ही नक्कीच चुकीची गोष्ट आहे.मुळात कपडे हे आपण अंग झाकण्यासाठी आणि लज्जा रक्षणासाठीच घालतो ना.मग आपण घातलेल्या.कपड्यामुळे अंग झाकण्याऐवजी उघडे ठेवणे म्हणजे दिखावाच नाही का?
साडीमध्ये स्त्री सुंदर दिसतेच यामध्ये वाद नाही परंतु, नऊवारी ते सहावारी आणि सहावारी ते सलवार सूट आणि हल्ली तर जीन्स टॉप वनपीस ही समाजाने सहज स्वीकारलाच की.परंतु आजकाल फॅशन च्या नावाखाली नको तितक्या फाटलेल्या जीन्स घालणे, शरीराचा नको तो भाग उघडा दाखवणे हा किती घाणेरडा प्रकार आहे.नाही?
मान्य आहे फॅशनचा संस्कृतीशी काही संबंध नव्हता आणि नाही. परंतु,पूर्वी कुठे जर फाटलेला कपडा असेल तर लोक लपवण्यासाठी शिवून घ्यायचे,रफू करायचे,प्रसंगी ठिगळ जोडायचे.असलेले कपडे म्हणजे दारिद्री पणाचे लक्षण समजले जायचे पण हल्ली आता मात्र फॅशनच्या नावाखाली फाटके, मळके कपडे घालणे ही कसली दळभद्री फॅशन म्हणायची?आज कालचे तरुण-तरुणी पिक्चर मधील हिरो हिरोईन ला आपले आयडॉल मानतात.ते करतील तसं करण्याचा प्रयत्न करतातआणि मग उत येतो फॅशन च्या नावाखाली नको तो उद्योग करण्याचा.
काय ते बॅकलेस फोटोशूट
काय ते टॉपलेस फोटोशूट
काय ते न्यूड फोटोशूट
सगळं कसं फक्त दिखाव्यासाठी.