मन उधाण वाऱ्याचे भाग -24

     श्रावणीला डिस्को आणि डाँसिन्ग हे सगळं न्यूनगंडाच भाग होत . ती फक्त एकांतात नाचत असत . ती परत भाजी चिरायला सुरुवात केली . तिने सगळी तयारी केली . भात शिजल्यावर तिने दुसरी पातेलं घेऊन त्यात आमटीसाठी फोडणी देऊ लागली . त्यात चिरलेली भाजी , तिखट मीठ चवीनुसार घातली आणि पाणी घालून शिजायला सोडली . तेवढ्यात शिवानी आणि किरण डिस्को लाइट लावले आणि स्पीकरवर वाजत असलेल्या गाण्यावर नाचू लागले . अगदी मनोसक्त होऊन , कोणतीही चिंता न करता दोघे नाचत होते . शिवानी श्रावणीला नजरेनेच नाचायला बोलवली . पण तिने नजरेने नकार दिली . शिवानी ऐकणाऱ्या पैकी नव्हती . तिने मुद्दामहून तिला खेचून नाचण्यासाठी भाग पाडली . सुरुवातीला ती फक्त हातवारे करत नाचत होती . पण काहीवेळाने ती मनसोक्त नाचू लागली . 

    मोबाईलमध्ये गाणे वाजत गेले आणि हे तिघे नाचत होते . मोबाइलमध्ये ' ऊफ्फ तेरी अदा ' हे गाणं वाजू लागलं . किरणच लक्ष श्रावणीकडे गेलं . ती अगदी उद्या मारत नाचत होती . त्या गाण्याची बोल तिच्या नाचण्यावर हुबेहूब शोभत होत . किरणच लक्ष तिच्यावरून हटतच नव्हतं . हे शिवानीच्या लक्षात आलं . तीही नाचत किरणकडे बघू लागली . तीच प्रेम असलेला किरण त्याच्या समोरच दुसरीच्या प्रेमात पडत होता . ती मनातून जळत होती , पण तिच्या राहिलेल्या जीवनात तिला या दोघांना एकत्र करायचं होत . म्हणून ती शांत होती . श्रावणी मोकळी केस सोडून अगदी मजेत नाचत होती . शिवानी अचानक मोबाइल बंद केली . श्रावणी नाचायचं थांबली .