माकडाचा शोध (Tenali Rama Story In Marathi)

त्याने असे बोलताच पुन्हा सौदामिनी बोलली आणि त्याच्या लक्षात आले मागे कोणीतरी आहे. सौदामिनीला पाहून त्याची चांगलीच भंबेरी उडाली. ती चांगलीच चिडली होती आणि बाहेर जाऊ लागली. आचार्य देखील लगेच तिच्या मागे कक्षाच्या बाहेर पडला. मागोमाग धनी आणि मणी होतेच. ते लोक तिथे आले आणि आचार्य आणि सौदामिनीमध्ये वाद सुरू झाले. आचार्य तिला समजावू पाहत होता. त्यातच त्याला समजले तिला धनी आणि मणी घेऊन आले आहेत. तेवढ्यात गुरू माता म्हणजेच त्याची पत्नी देखील तिथे पोहोचली आणि हे सर्व पाहायला आलेली क्लारा देखील तिथे होती. आचार्यने कसेबसे त्याच्या पत्नीला पुन्हा घरी पाठवले आणि हा या दोघींमध्ये अडकला. त्यांच्यात सर्व गैरसमज होत असतानाच तो उंदीर तिथे आला आणि त्याला घाबरून त्या दोघी तिथल्या एका मंचकावर चढल्या. आचार्य देखील घाबरून वर उभा राहिला आणि रामा, गुंडप्पा हे लपून बघत होते. तो उंदीर तिथून थोडा लांब गेल्यावर ते खाली उतरले. रामा त्या उंदराच्या मागे गेला.