फिशटॅन्क भाग ४

" तुम्ही मग जिवंत नाही का आता ? मग मला कशा काय दिसलात ?" एमा.

सिमर एमा ला जवळ घेत "तू खास आहेस ना म्हणून " .
एवढं बोलून ती सावली धूसर होत जाते. एमा घड्याळाकडे पाहते तर तीन वाजले होते. एमा निमूटपणे पुन्हा आपल्या खोलीत येऊन झोपी जाते. सकाळी इथे तिथे फिरण्याच प्लॅन कॅन्सल करून ती पिहूला कॉल करते कारण तिला पिहूची आठवण येते. बोलता बोलता एमा तिला तिच्या आईच विचारते व नाव विचारते.
समोरून पिहू आपल्या आईचे नाव ' अतरकौर ' असल्याच सांगते . एमा ने तिच्या बाबांचे विचारता जसं सिमरने सांगितलं तसंच अगदी पिहूकडून ऐकायला मिळतं. एमा अवाक होते तिचा विश्वास बसत नव्हता या सर्वांवर. एमा दलजीतला भारतात बोलावण्यासाठी प्लान करते यात आजीची मदत घेते. आजी मदत करते व तसंच नाटकही सुरु करते.
पंधरा - वीस दिवसात एमा मिळेल तितकी माहिती गोळा करते. पिहूची भेट घेते तिच्याकडून थोडी फार माहिती मिळते तसेच पिहू तिला सांगते "तू ज्या घरी थांबली आहेस तेच माझ्या बाबांच घर आहे. माझे काका बलविंदर अमेरिकेत स्थायिक आहेत त्यांना दोन अपत्य आहेत कुसूम व सनी."