फक्त तू... ओढ तुझी भाग सहा

जय वीरूची ही जोडी हॉस्पिटलमध्ये पोहचली तेव्हा त्यांना एकदम शांतता जाणवत होती.नर्सच्या चप्पलांचा हलका आवाज, औषधांचा वास, आणि रडारडीचं वातावरण… वीरला सहनच होत नव्हतं. ते दोघे त्या मुलाला ठेवलेल्या वॉर्डच्या बाहेर उभे होते. विराजसचा चेहरा वरून जरी कडक दिसत असला तरी पण आतून तो स्पष्ट घाबरलेला होता... शिवाय त्याला  अजिबात आतमध्ये जाऊन त्या मुलाला भेटायचं नव्हतं. त्यामुळे ते दोघे बाहेर घुटमळत होते.