फक्त तू... ओढ तुझी... भाग एकवीस

पूर्ण फ्लोअर साफ करताना वीरच्या हातांमधली ताकद हळूहळू कमी होत चालली होती.. आयुष्यात पहिल्यांदा काम केल्यामुळे तो एकदम थकला होता.. पूर्ण शरीरामधून घाम झिरपत होता, त्याची पाठ दुखायला लागली होती, त्यात हात पाय एकदम ओढल्यासारखे त्याला वाटत होते. मॉप पुढे ढकलताना त्याच प्रत्येक पाऊल जड होत होतं. पण तो न थांबता काम करतच होता. ह्यात त्याचा खूप वेळ गेला. पूर्ण फ्लोअर जवळपास साफ झालाच होता कि तेवढ्यात मीरा हळूच त्याच्याजवळ जाते..ती थोडा वेळ काही न बोलता त्याला पाहतच राहते.तिला त्याची खूपच दया येते..