प्रेमासाठी ( भाग ५)

नुपूर मरून कलरची हिरव्या काठाची कांजीवरम नेसली होती. हलकासा मेकअप आणि साजेशी हेअरस्टाईल केली होती. तिने घातलेल्या नाजूक दागिन्यांनी तिचे सौंदर्य आणखी उठून दिसत होते. रितेशने तिला मॅचिंग मरून कलरचा कुर्ता आणि ऑफ व्हाईट सलवार घातली होती. गुरुजींनी विधी करून झाल्यानंतर दोघांनी एकमेकांना अंगठ्या घातल्या. अंगठी घालायच्या आधी रितेशने गुडघ्यावर बसून नुपूरला प्रपोज केले, आणि तिच्या होकारानंतरच रितेशने नुपूरला अंगठी घातली. नंतर रितेशच्या वडीलांनी माईक हातात घेऊन बोलायला सुरुवात केली. " मंडळी आज ह्या कार्यक्रमाला उपस्थित राहिल्या बद्दल खूप आभार. आज रितेशच्या आयुष्यातील खूप महत्वाचा दिवस आहे. मी वैयक्तिक नुपूरचा खूप आभारी आहे. नुपूरने रितेशला साथ दिली, त्याला साथ दिली. जी खूप महत्वाची होती. तिच्यामुळेच आज तो आयुष्यात उभे राहू शकला, स्वतःच्या पायावर उभे राहू शकला. नुपूरच्या आईवडिलांनी देखील त्याची साथ दिली म्हणून हे शक्य झाले." डोळे पुसत त्यांनी माईक ठेऊन दिला.
सहभोजनानंतर कार्यक्रम संपला. मग नुपूरला आणि रितेशला जरा वेळ मिळाला. रितेशने नुपूरचा हात हातात घेतला, म्हणाला " Thank you. खूप खूप मनापासून Thank you. तू मला स्विकारलेस , मला होकार दिलास, माझे आयुष्यच बदलून गेले. तू माझी झालीस बास, मला आता आयुष्यात काही नको. फक्त तू माझी आहेस आणि मी तुझा. " हे बोलताना देखील रितेशच्या डोळ्यात पाणी तरळले. नुपूरने त्याच्या हातावर हात ठेवला आणि फक्त डोळ्यांनीच त्याला आश्वासन दिले, " मी तुझीच आहे रे, फक्त तुझीच. "