मैत्रीची व्याख्या

मैत्रीच्या निरनिराळ्या व्याख्या मी सतत ऐकत आले आहे. पण खरी मैत्री काय असते हे अनुभवल्याशिवाय कळत नाही. भारतीय परंपरेत एखादे नाते हे काही नियम लागू केल्यावर सुरु अथवा संपतात. उदा. लग्न, रक्ताचे नाते, आडनाव जुळले की नाते, एका गावातील असल्याचे नाते आणि बरेच. मुख्य म्हणजे आजकाल स्वार्थ पाहून किंवा आर्थिक बरोबरी पाहून मैत्री करणाऱ्या लोकांची ही भरमार आहे. नात्यांचे अनेक सोहळे पार पाडून ही त्यांच्यातील कमकुवत दुआ काही जात नाही. *पण आश्चर्य म्हणजे मैत्रीच्या नात्याला निर्मळ मन आणि शुद्ध हेतू सोडून काहीही लागत नाही.* या वाक्यात सत्यता आहे हे त्यांनाच कळेल ज्यांना खरी मित्रता लाभली आहे. दहा लोकांमध्ये एकच व्यक्ती आपल्याला वेगळी वाटून जाते. त्या व्यक्तीचे कलागुण आपल्यापेक्षा वेगळे असले की आपोआप अप्रूप वाटतं. साधा संवाद ही मनात खोलवर आणि कायम रुजून राहतो. तर सांगायचं असं की आपल्या कर्म-धर्म संयोगाने आपल्या नशिबात मित्र/मैत्रिणी येत असतात. कधी कधी वावटळ बनून येणारे मात्र हळुवार झुळूक बनून कायम आसपास राहतात.