गंधबावरे 62

"माझे तिच्यावर खूप प्रेम होते म्हणूनच तर तिच्या ओढीने मी तिच्याकडे जायला निघालो होतो. अगदी पाय दुखत असतानाही मी ड्रायव्हरला सोबत न घेता एकटाच गेलो होतो आणि आईला तुला काहीच सांगायचे नाही असे बजावून ठेवलो होतो त्यामुळे आईने देखील तुला काही सांगितले नाही. मी तिथे गेलो पण मला जे दिसू नये तेच दिसले. श्रेया एका व्यक्तीसोबत तिथे उभी होती. मला वाटले की तिचा मित्र असेल म्हणून मी त्याकडे दुर्लक्ष केले पण नंतर तिने त्याला अलिंगन दिले. मी बराच वेळ तिथे आडोशाला उभा होतो. त्यांचे बोलणे वागणे एखाद्या मित्र-मैत्रिणीसारखे मुळीच नव्हते. ते तर प्रियकर आणि प्रेयसीसारखे होते. मी कोणावर तरी प्रेम केलेलं आहे त्यामुळे मित्र-मैत्रिणींचे वागणे आणि प्रियकराचे वागणे यातला फरक नक्कीच मला माहीत होता. शिवाय प्रूफ म्हणून मी आडोशाला उभा राहून हे सगळे फोटोज काढून घेतले आहेत." मिहिर अनुला समजावून सांगत होता.