गठबंधन भाग 17

मनाली बघत होती. खरच की. सम्राटची नजर बघून ती लाजली होती. तिला काल पासुन वाटत होत हे माझ्याकडे बघता आहेत. पण नक्की काय आहे हे? मनाली काळजीत होती. हे बाहेर तर सगळ्यांसमोर नीट वागले. थोड बोलले ही. रूम मधे बोलतील का? की तिकडे परत तू कोण मी कोण सुरू राहील. जावू दे आता आई बाबा निश्चिंत आहेत. माझ काही का होत नाही. आज रात्री समजेल. ते आज माझ्याशी बोलले तर खरच ते या नात्यासाठी प्रयत्न करत आहेत, नाहीतर ते माझ्या माहेरच्या लोकांसमोर नाटकं करत होते. त्यांनी इलेक्शन साठी मला इथे आणलं हे स्पष्ट होईल. तिला उगीच धडधड झाली. देवा यांना माझा विचार मनात असू दे. आमच नातं नीट होवू दे.