घरीच तर असतेस भाग ३

चार महिन्यांनंतर सरिता व शरदचा दणक्यात विवाह संपन्न झाला. सौ. सरिता शरद साने नामक तिच्या आयुष्याचा नवीन आध्याय सुरू झाला. पूजा, गोंधळ, देवदर्शन सगळे कुळाचार आटपून महाबळेश्वरला गेलेले...नवविवाहित दांपत्य तिथल्या गुलाबी थंडीत एकमेकांच्या मिठीत विरघळूनं एकरूप झाले. नव्या नवलाईचे दिवस…सगळं काही छान चालू होतं. ओंजळ सुखाने भरून दुथडी वाहत होती. हळूहळू सरिता सासरी रुळत होती.