घरोघरी मातीच्या चुली भाग १

प्रीती आणि अमेय ऑफिसला गेले होते.
सीमा पेपर वाचत बसली होती. 
न राहून एक दिवस तो म्हणाला,
"सीमा, प्रीती आपल्या घरातली सून आहे. तुला हे चांगलं माहीत आहे ती माहेरापासून देखील दूरावली आहे. आपणच तिला ह्या घरात आपलंसं करण्याचा प्रयत्न करायला पाहिजे. तिला सतत टोमणे मारले तर कसं होईल? अमेयच्या मनाचा विचार कर. त्यालाही वाटतच असेल प्रीतीला तू स्वीकारावं. त्याचा किती जीव आहे तुझ्यावर. तू सतत तोंड पाडून बसली तर कसं होणार? घरातलं वातावरण गढूळ होतंय.  आधी कशी रहात होती? आणि आता तुझ्यात किती बदल झाला आहे?  असं नको वागू. तू अशी नाहीये. प्रीती त्याला आवडली, प्रीतीला तो आवडला. दोघे एकमेकांची काळजी घेतात. अजून काय हवं सांग. किती दिवस स्वतःला असाच त्रास करून घेणार आहेस. आपल्या अमेयसाठी हा राग सोड."