घरोघरी मातीच्या चुली भाग २

तुझ्यावर खूप प्रेम केलं,पुढेही करणार तुझ्यासोबत संसाराची किती स्वप्न पाहिली होती. एकमेकांच्या हातात हात गुंफून किती शपथा घेतल्या होत्या. काहीही झाले तरी एकमेकांची साथ सोडणार नाही ठरवलं होतं. तुझ्या प्रेमात पडल्यावर मी स्वतःला विसरलो.  प्रेम सुंदर भावना जगलो. किती सुंदर क्षण होते तुझ्यासोबत. कधी तू माझ्या ह्रदयात स्थान मिळवलं कळलंच नाही. माझ्या विचारात नेहमी तूच असायची. तुझ्याशी लग्न करायचं आणि सुखाने संसार थाटायचा हे गोड स्वप्न रोज पहात होतो. बाबा माझ्या लग्नासाठी मुलगी बघत आहे हे समजल्यावर मी कसाबसा  धीर एकवटला बाबांशी बोललो. आशा, बाबा काही केल्या आपल्या नात्याला संमती देत नाहीयेत. बाबांसमोर रडलो, अगदी हात जोडले तरी बाबा तयार झाले नाही. माफ कर आशा, माझ्या मनात ईच्छा असतांना देखील मी तुझ्याशी लग्न करू शकत नाहीये. मी तुझा गुन्हेगार आहे. अर्ध्यावर साथ सोडून चाललो आहे. ह्रदयाचा कप्प्यात तुझं स्थान कायम राहील. तू देखील तुझ्या आयुष्यात पुढे जा. लग्न कर,खुश राहा. काळजी घे.
                                                                         तुझाच सर्वेश.