ग्रीष्मातला गारवा (३)

भाग्यश्रीचा त्रासलेला आवाज ऐकून विधी शांत बसते. तिला समजत नाही की भाग्यश्रीला कसं समजावून सांगू. भाग्यश्रीकडे बघून अस वाटतं होतं की तिचा स्वतःवर असलेला आत्मविश्वास कमी झालेला. पूर्वी तिच्या डोळ्यांत स्वप्न , आवाजात आत्मविश्वास असायचा आणि आता ती स्वतःलाच कमी समजू लागलेली " आपण काहीच करू शकणार नाही. " हे वाक्य सतत तिच्या मनात असायचे. जणू आपली किंमत शून्य झाली आहे अशी खोलवर रुजलेली भावना तिच्यात तयार झालेली. विधीला माहिती होत ती आयुष्यात खूप वेळा हरलेली आणि आता तर स्वप्न , माणसं, सर्वात वाईट म्हणजे स्वतःवरचा विश्वास. तिची अशी अवस्था बघून विधीला खूप वेदनादायक वाटतं होतं.