गूढ भाग १

असेच दिवसामागून दिवस जात होते. एक दिवस कांचनला उलट्या होऊ लागल्या.आणि त्यावरून कळून चुकलं की ती गरोदर आहे. त्यातच ती नवऱ्याला दुपारचं जेवण द्यायला शेताकडे जायची. त्यांच्या घराच्या शेजारच्या शेवंता बाईला तिचा होणारा त्रास बघवत नसे. ती रोज आपल्या पोराला घरी आल्यावर सांगायची. नामदेवला ही तिच्यासाठी खूप वाईट वाटायचं. कांचन नामदेवच्या मामाच्या गावची होती.तिचं घर आणि त्याच्या मामाच घर समोरासमोर असल्याने आणि नामदेव चे मामाच्या घरी येणे जाणे असल्याने त्यांची तशी तोंड ओळख होतीच. कांचन शेताकडे जाताना नामदेवशी बोलायची. आणि हेच कुणीतरी तिच्या घरी जाऊन सांगितलं आणि तिचा होणारा छळ दुपट्ट वाढू लागला.तिच्या चारित्र्यावर संशय घेतला जाऊ लागला.अन् एक दिवस तिच्या सासू आणि ननदेने तिला रॉकेल ओतून जिवंत पेटवून दिलं.