गुलाल ! पार्ट 1

मग आभासने डोक्यावर हात मारला. तो भानावर आला. आभास आणि दर्शन दोघेही लहानपणीपासूनचे मित्र. पदवीचे शिक्षणही एकाच कॉलेजमधून घेतले. दोघेही समलैंगिक होते आणि दोघांमध्ये घट्ट मैत्री होती. पदवीपर्यंतचे शिक्षण पूर्ण झाल्यावर आता पुढे काय करायचे हा प्रश्न दोघांना सतावत होता. दोघांचेही वडील शेतकरी होते. दुष्काळग्रस्त गावात शेती करताना किती अडचणी येतात आणि किती कमी उत्पन्न हाती पडते हे दोघांनाही चांगलेच ठाऊक होते. गावातला एक तरुण पीएसआय झाला होता. तेव्हा त्याचा झालेला सत्कार दोघांनीही पाहिला होता. तेव्हाच त्यांनीही सरकारी अधिकारी होण्याचे ठरवले. दर्शन अभ्यासात हुशार होता. त्याच्या संगतीत आभासही एखादी छोटीमोठी पोस्ट मिळवेल या आशेने आभासच्या घरच्यांनी आभासलाही दर्शनसोबत पुण्याला पाठवले. थोडी शोधाशोध केल्यानंतर दोघांना सदाशिव पेठेच्या जवळच एक फ्लॅट भाड्याने मिळाला.