गुंतवणूक नात्यांमधली भाग १

श्रीधरची दोन्ही मुलं, अमर आणि कुमार खूप हुशार होती.  श्रीधर एका नामांकित कंपनीत मोठ्या हुद्द्यावर कार्यरत होता आणि सुलभा महानगर पालिकेमध्ये शिक्षिकेची नोकरी करत होती.  मुलं लहान असताना त्यांना सांभाळायला चोवीस तासासाठी एक मावशी तैनात होत्या.  सुट्टीच्या दिवशी सगळे कुठेतरी फिरायला,  बाहेर जेवायला जायचे. सर्व काही
आलबेल असताना सुद्धा त्यांना एकत्र बांधून ठेवणाऱ्या प्रेमाचा अभाव दिसून येत होता.   मुलं चांगली शिकून सवरून हाताशी आल्यावर श्रीधरला एक मोठ फ्लॅट घ्यावा असं वाटत होतं. परंतु दोन्ही मुलांनी प्रेमविवाह करून वेगळं रहायचं ठरवलं होतं. त्यामुळे श्रीधरचा नाईलाज झाला होता.  दोघेही आता निवृत्तीला आले होते.