हक्क आणि कर्तव्य भाग ३

"पण काय माहिती, आजकाल हातून काही चुका होतील का, उगाच भीती वाटतं राहते. घरात काही काम करताना, तुमची महागातली क्रोकरी तुटेल का फुटेल का?  कप फुटला तर काय? शुल्लक गोष्टींची सुद्धा भीती वाटते. आमच्या वेळी वेगळ होतं, अघळपघळ असायचं सगळं. घरात येणारे जाणारे असायचे, घरात माणसं होती. कमी जास्ती ऍडजस्ट व्हायचं.... आता इन मिन तीन माणसांसाठी अंदाजच बांधला जात नाही. त्यात तुमचं, हे खायचं, ते नाही खायचं... डाएटचे प्रोटीन शेक आणि मिलेट्स वगैरे... खाण्यापिण्याच्या गोष्टी असो की पैशाच्या.... दडपण येतं.... तुम्ही फार कुणाचं लावून घेत नाही. मला मात्र,  जुनी सवय भोवताली आपुलकीची लोक लागतात." आशाताई बोलता बोलता थांबल्या.