हक्क की कर्तव्य भाग ... ३

ठरल्याप्रमाणे शनिवारी स्नेहल, माधव आले. ते येणार म्हणून मसालेभात, टोमॅटो सार, श्रीखंड पुरी, बटाट्याची भाजी असा फक्कड बेत शितलने केला होता. दुपारी छान अंगतपंगत झाली, गप्पा रंगल्या, गोडधोडाचे जेवल्यावर वामकुक्षी सुद्धा झाली. दुपारी भरपेट जेवण झाल्यामुळे रात्री फारसं काही करायचं नव्हतं. “आमटी, भात कर किंवा बाहेरून ऑर्डर करू” स्नेहलने शितलला आधीच सांगून ठेवलं होतं. जेवणंखाणं यात वेळ घालवण्यापेक्षा ज्यासाठी आलो आहोत ते बोलणं तिच्यासाठी जास्त महत्त्वाचं होतं.