हलगी भाग-३

हळूहळू त्यांची मैत्री छान वाढू लागली. विलास तर तिचा दिवाना होताच. तिच्यावर तो जीव ओवाळून टाकायचा. पण मनातले प्रेम शब्दाने ओठांपर्यंत त्याला सांगता आलेच नाही. तीही हसत खेळत वागायची. तिला तो आवडतो हे तिच्या वागण्या-बोलण्यातून दिसून येत होतं. पण ते प्रेम आहे की नाही हे कळत नव्हतं. प्रकाश विलासला कित्येकदा मनातला तिला सांग म्हणत होता पण योग्य वेळी तो सांगेल असे म्हणत त्याने सांगितलेच नाही. तिला विलासने हलगी वाजवलेले खूप आवडायचे. ते वाजवताना त्याचे डोक्यावरचे केसही एका लयीने नाचतात असे तिला वाटायचे तेव्हा ती नेहमी तो हलगी वाजवत असताना त्याचे केस न्याहाळत असायची.