नविन वर्ष 2026, इरा व वाचकांना शुभेच्छा

मी सामाजिक विषयांवर लिहितो, कारण समाजातील वास्तव मला अस्वस्थ करते.
मी कौटुंबिक नात्यांवर लिहितो, कारण तिथेच माणूस घडतो आणि कधी कधी मोडतो.
मी भावनिक लेख लिहितो, कारण प्रत्येकाच्या मनात न सांगता येणाऱ्या कथा असतात.
मी सत्य घटनांवर लिहितो, कारण वास्तवाकडे डोळे झाकून चालताच येत नाही.
या सर्व लेखनप्रवासात तुमचे मार्गदर्शन, तुमची साथ आणि तुमचा विश्वास माझ्यासाठी दीपस्तंभासारखा राहिला आहे. “हे आमच्याच मनातलं आहे, सुनिल सर, खुपच छान” असे जेव्हा कुणी म्हणते, आणि त्यातील काही लेख माननिय अभिवाचक सौ निलिमा पटवर्धन, श्री राजीव जोशी, सौ. राधिका मुधोलकर हे बडोदे शहरातुन अभिवाचन करतात तेव्हा, माझ्या लेखनाला खऱ्या अर्थाने यश मिळते.