हास्य कथा

बायको:  काय चाललंय इथं? किचन आहे की युद्धभूमी? केवढा तो पसारा घालून ठेवला आहे. एक काम धड जमत नाही तुम्हाला.
नवरा: (गडबडून) अगं, तुझी तब्येत बरी नाही म्हणून मी म्हटलं की तुला आराम करू द्यावे आणि मी जेवण बनवतो.
बायको: (डोळे वटारून) याला जेवण बनवणं म्हणता तुम्ही? सगळीकडे नुसती सांडा सांडी करून ठेवली आहे तुम्ही.
नवरा: (थोडासा ओशाळून) हो, पण मी प्रयत्न तर करतोय ना? हे बघ मोबाईल मध्ये रेसिपी बघून करतोय.
बायको: (थोडं हसत, वैताग लपवून) रेसिपी बघणं ठीक आहे, पण ही रेसिपी "घर नीट ठेवायचं" शिकवत नाही ना!
नवरा: (मजेत) अगं, मलाही शिकायचंय पण तू बरी होईपर्यंत किचन नीट ठेवायचा अभ्यास करायला वेळ नाहीये.
बायको: (हसून) ठीक आहे, पण पुढच्या वेळेस आधी किचन नीट ठेवायचं शिका! आता मीच करते हे सगळं, तुम्ही जा बाहेर जाऊन बसा.
नवरा: (लाजत) नाही, नाही! मी करतो, तू जा आराम कर. मीच करतो हे सगळं साफ.
बायको: (हसत) असूदे आता आपण दोघेही मिळून करू. असे बोलून दोघंही हसत  किचन आवरण्यासाठी एकत्र काम करतात.