हे आमचे स्वराज्य नव्हे...! | भाग १

आपल्या मुलीचं हे असं वागणं दोघांनाही समजेना झालं. ते दोघेही तिच्या खोलीच्या दरवाजा जवळ जाऊन तिला काय झाल्याचं विचारू लागले. पण, आतून त्यांना काहीच उत्तर येत नव्हते. आत जाऊन तिने तिच्या खोलीची लाईट देखील चालू केली नव्हती. कामाचा ताण जास्त असल्यामुळे बहुतेक, ती थकली असावी आणि खोलीत जाऊन थेट झोपी गेली असावी असा त्या दोघांनी समज करून घेतला आणि आता तिला आराम मिळावा, आणि जे असेल ते सकाळी बोलणे होईलच म्हणून ते आपल्या खोलीत निघून गेले.