हे आमचे स्वराज्य नव्हे...! | भाग २

शांत झोपेत असताना तिच्या कानावर जोरजोरात दरवाजाची थाप ऐकू आली आणि ती त्याला घाबरून दचकून उठली. रात्री ती तशीच रडत रडत कधी जमिनीवर झोपी गेली तिचं तिलाच कळले नाही. तेव्हा झोपली ते आता अचानक तिला दरवाजाच्या आवाजाने जाग आली आणि ती दचकून उठली. घाबरून ती पुन्हा भिंतीला टेकून बसली आणि घाबरत एकटक दरवाजाकडे पाहू लागली.  पुढच्याच क्षणी तिला दरवाजाच्या बाहेरून तिला तिच्या आई बाबांचा आवाज ऐकू आला. त्यांचा आवाज ऐकून तिला थोडा धीर आला. तिने जाऊन दरवाजा उघडला.