हे बंध रेशमाचे... भाग ६

थोड्यावेळाने उमा उठून स्वयंपाकघरात आली. बाहेरचा आवाज तिच्या कानावर पडत होता. दरवेळी दुरड्या सोडताना सासुबाई तिला येणाऱ्या बायकांच्या पाया पडायला लावत, म्हणून ती बाहेर गेली व तिथे त्यावेळी आलेल्या बायकांच्या पाया पडू लागली तशी पारूबाई कडाडली.
"व्हय गं, लै जोर आलाय व्हय तुला वाकायला? तुला म्या बोलीवलं हुतं का भायेर? कशापायी आलीस मंग? मुकाट्यानं आत हो." हे ऐकून तिथे आलेल्या बायका टकामका एकमेकींच्या तोंडाकडे पाहू लागल्या. ती मुकाट्याने आत गेली. चुलीपुढे बसून ती स्वयंपाक करता करता बाहेर काय चाललंय ते पाहत होती.
सासुबाई माच्यावर बसून येणाऱ्या गावातल्या बायकांशी बोलत होत्या.
चुकूनमाकून एखादी बाई तिला बघण्यासाठी आत येत होती. तिच्याशी दोन शब्द बोलून बाहेर जात होती.