हे बंध रेशमाचे... भाग २०

हाॅस्पिटलमध्ये गेल्यावर सिस्टरनी उमाला आत नेले. आईने तिची फाईल दिली. उमाला चेक केल्यानंतर सिस्टरनी तिला परत बाहेर पाठवले व अजून दोन तास लागतील तोपर्यंत व्हरांड्यात फिर असे सांगितले. आई पण तिच्यासोबत व्हरांड्यात फिरू लागली. तिच्यासारखीच अजून एक केस त्यावेळी आली होती. ती तरूणी पण तिथे येरझारा घालत होती. मधूनच कळ आली की कळ जाईपर्यंत भिंतीला धरुन उभी राहत होती. त्या तरूणीच्या कळांमधले अंतर कमी झाले तसे सिस्टरने तिला आत लेबर रूममध्ये घेतले.