हे बंध रेशमाचे... भाग २६

यावर सारजा काहीही न बोलता बाहेर आली. तिच्या मनात उरलीसुरली आशा होती की, महेशराव मागून येणार असतील तिचाही चक्काचूर झाला. तिचा चेहरा उतरला. मामीने त्या दोघींचे संभाषण ऐकले होते, त्यामुळे तिने उमाची समजूत घातली.
"सगळा कार्यक्रम बायकांचा, मग पुरूष येऊन काय करणार? बायकांत पुरूष लांबोडा! अशी गत होते. कुठंच बारशाला पुरूष जात नाहीत. त्यामुळे महेशराव आले नाहीत म्हणून वाईट वाटून घेऊ नकोस." तिला मात्र वाटत होते, आपल्या नवऱ्याने यायला हवे होते. आपल्या बाळाचे बारसे आहे. बाळाच्या आयुष्यातील पहिला महत्वाचा समारंभ! त्याला वडील हजर नकोत?