हे बंध रेशमाचे... भाग २९

रात्री बाळ कुरकुर करू लागल्यामुळे उमाला जाग आली तेव्हा तिने पाहिले, सासुबाई तिच्या खोलीत येऊन झोपल्या होत्या. तिच्या ओठांवर हलकेच स्मितरेषा उमटली. आता त्यांनी कितीही बडबड केली तरी त्याची पर्वा करायची नाही. माहेरचे उणेदुणे त्यांनी काढले तरी आपण शांतच रहायचे. आपण जर तोंडाला लागलो नाही तर बडबड करून त्या शांत बसतील. किती दिवस बडबड करतील? ऐकून घ्यायचे मुकाटपणे, असे तिने मनाशी ठरवले. त्यानंतर तिला गाढ झोप लागली.