हे बंध रेशमाचे... भाग ३६

उमाला मात्र ही सगळी काळजी फक्त मुलगा झाला त्यामुळे घेतली जातेय असेच वाटत होते. तसे नसते तर मृणालच्या वेळी त्या का आल्या नव्हत्या? आपल्या नातवाचीच काळजी यामागे आहे हे उमा पक्के जाणून होती. ज्याप्रमाणे दुभत्या म्हशीची काळजी घेतली जाते, तिने दूध जादा द्यावे म्हणून बैलांसोबत दुभत्या म्हशीला पेंड चारली जाते, त्याप्रमाणे आपली काळजी घेतली जातेय याची तिला खात्री होती. आत्याबाईंच्या मनात फक्त नातवाची काळजी आहे, त्यासाठी आपली काळजी घेणे सुरू आहे हे तिने मनातच ठेवले. काही काही गोष्टी मनातच ठेवायच्या असतात हे ती आता अनुभवावरून शिकली होती.