हे बंध रेशमाचे... भाग ४३

गेले एक, सव्वा वर्ष त्यांच्या तोंडून येणारी मवाळकीची भाषा ऐकून आपल्या आत्याबाईंचा स्वभाव मुलगा झाल्याने बदलला असे तिला वाटले होते. आता मात्र त्यांच्या बोलण्यातून पुन्हा तोच त्रागा, तीच चीड दिसून येऊ लागली तेव्हा तिला आश्चर्य वाटले. हे खरे की गेले सव्वा वर्ष अनुभवतोय ते खरे? असा तिला प्रश्न पडला. खरंच स्वभावाला औषध नसते का? की सून ही कधीच मुलगी होऊ शकत नाही? असे उलटसुलट विचार तिच्या मनात डोकावू लागले.