हे बंध रेशमाचे... भाग ४५

"आज घेऊन जाते मी शाळेत. बघते कसा करतोय?" असे उमा म्हणाली तसे पारूबाई अस्वस्थ झाली. तिला राजूला आपल्या नजरेसमोरून दूर करायचे नव्हते, पण तिचे उमापुढे काहीच चालले नाही. उमा राजूला घेऊन शाळेत आली. राजू शाळेत गेल्यावर बावरला व रडू लागला. तसे उमाने त्याच्यापुढे खेळणी ठेवली. नवीन खेळणी पाहून तो थोडासा शांत झाला, खेळण्यांसोबत खेळू लागला. बालवाडीच्या मावशींना त्याच्यावर जरा लक्ष ठेवा अशी सूचना देऊन ती तिच्या वर्गात आली.