हे बंध रेशमाचे... भाग २१

"तू पूजा करून घे. सासरहून कुणीही येणार नाही. आले तर परत पूजा करता येईल." नाईलाजाने आईने पूजाविधी करून घेतले.
कुणीही आले नाही याचे घरातील सर्वांना वाईट वाटले, पण उमाने ते गृहीत धरले होते. आत्याबाई आल्या नाहीत याचे तिला फारसे काही वाटले नाही, पण नवरा आला नाही याचे मात्र वाईट वाटले. आईचे ऐकणाऱ्या मुलाकडून यापेक्षा वेगळे काय अपेक्षित आहे अशी तिने मनाची समजूत घातली.