हे घर पण तुमचंच आहे भाग १

खरं तर सुमेधाला नेहा कोणत्या अर्थाने विचारते त्याचा रोख कळला होता. पण तिला नेहाच्याच तोंडून ऐकायचं होतं म्हणून तिने काही कळत नसल्याचा आव आणला होता. सुमेधाला नेहाच्या इतर मित्र मैत्रिणींपेक्षा सुमित खूपच आवडायचा. स्वभावाने तो खूपच चांगला होता. कधीही कोणाला दुखवायचा नाही. पूर्ण ग्रूपमध्ये तो खूप समजूतदार होता. शिवाय दिसायला देखणा होता. त्याचं आणि नेहाचे एकमेकांवर खूप प्रेम असल्याचं सुमेधाला जाणवलं होतं. सुमितचे बाबा एक नावाजलेले वास्तू शास्त्रज्ञ होते. मुख्य म्हणजे त्याच्या घरी त्याचे आजी आजोबा होते. त्यांच्या संस्कारात तो लहानाचा मोठा झाला होता. त्याची आई पेशाने शिक्षिका होती. केवळ मुलांना शिकवण्याच्या उदात्त हेतूने ती नोकरी करत होती. सुमेधाला नेहमीच वाटायचं की आपल्या नेहाला हा जोडीदार म्हणून लाभला तर ती खऱ्या अर्थाने सुखी होईल. सुमेधाच्या चेहऱ्यावरील भाव पाहून नेहाने थेटच विचारले,