तीच अस्तित्व भाग -3

राधा ला जरी झोप लागली असली तरी तिच्या डोक्यात मात्र अनुश्री ची काळजीच होती ..जेव्हा अनुश्री दहा वर्षाची झाली तेव्हाच त्यांच्या परंपरेनुसार तिला सुद्धा नाचायला तयार करण्यासाठी तिचा नवरा तगादा लावत होता पण राधा तिच्या निर्णयावर ठाम होती तिला तिच्यासारखा आयुष्य अनुश्री ला द्यायचं नव्हतं .त्यावरून तिचा आणि सुरेशरावांचा खूपच वाद झालेला ..त्यांनी फक्त त्याच आयुष्य आपल्या बायकोच्या जीवावर आयुष्य काढलं होत ..त्या माणसाला फक्त दारू माची मतं कोंबडी ह्याशिवाय काहीही दिसत नसे ..आणि ह्यासाठी तो माणूस आपल्या बायको ला दुसऱ्या कुणाजवळ पाठवायला सुद्धा कमी करत नसे .... त्याने उभ्या जन्मात काहीच काम केल नव्हतं. राधा अडाणी असली तरी हुशार होती पुढचा धोका तिने आधीच ओळखला होता त्यामुळे इतर बायकांसारखं तिने खूप मूल जन्माला घातली नाही .तिला दोन मूल झाली ..दुसरा मुलगा असल्यामुळे तिला टेन्शन नव्हतं ..पण तो सुद्धा त्याच्या बापासारखा वागू नये ह्याची तिने काळजी घेतली होती ..त्यात अनुश्री वर कुणाची नजर पडू नये म्हणून तिने तिला तिकडे कधीच फिरकू दिल नाही आपली दोन्ही मूल शिकून मोठी व्हावीत हे एवढंच स्वप्न तिने त्या वेळेस आपल्या उराशी बांधलं होत ..आणि त्यासाठी तिला खूप संकटाचा सामना करायला लागला होता...