तीच अस्तित्व भाग -11

                अनुश्री शेवंता सोबत ती घेऊन गेलेल्या दिशेने गेली तेव्हा आतल्या दालनात आल्यावर ती पाहतच बसली, बाहेरून दिसणारा दरवाजाच्या आत असणारा हा वाडा किती मोठा, भव्य आणि प्रशस्त आहे याची तिला कल्पना आली.प्रत्येक दालनात केलेली कलाकुसर तर तिचे लक्ष वेधून घेत होत...कलेची आवड तिला आधीपासूनच होती.... म्हणून ती एकदम निरखून पाहत होती....... पण....जसं जशी ती पुढे जात होती तस तशी तिला आपल्या होणाऱ्या सासरच्या श्रीमंतीची कल्पना आली... आणि सोबत दडपण सुद्धा.......पहिल्यांदा बघितलेल्या गोष्टी तिला भीती आणि अप्रूप दोन्ही दाखवत होत्या. पण ह्यात रमणारी ती नव्हती, पहिल्यांदा पहिल्यामुळे तिला त्या गोष्टींच कौतुक वाटत होत. त्यांचं पूर्ण घर होत तेवढ ह्यांच फक्त एक दालन होत. त्यामुळे ती बिचकत चालत होती.