तिचं अस्तित्व भाग -23

आई जवळ नसल्यामुळे लहानपणापासून ती स्वयंपाक बनवत होती, त्यामुळेच की काय अनुश्री एकदम उत्तम सुगरण झाली होती. कारण तिने बनवलेले जेवण हे सगळ्यांना आवडत होत, आणि ते सुद्धा खूप चविष्ट होत. एवढ्या दिवसात तिने खूप सारे नवीन नवीन पदार्थ बनवले, पण त्यापैकी एकाचीही चव गेलेली नव्हती. ते सगळे पदार्थ ती एक दोन नाही तर तब्बल पंचवीस तीस लोकांसाठी बनवत असे.... तरी सुद्धा जेवण चवदार असे..... एके दिवशी अमोल पाटील देखील वाड्यावर आले असता .. त्यांनीही तिच्या हातची चव चाखली आणि अन्नपूर्णा प्रसन्न आहे अनुश्रीवर असे म्हणत मनसोक्त भोजनाचा आस्वाद घेतला त्यांनी. इकडे अनुश्रीवर सगळेच खुश होत चालले होते.