'ती'चा संघर्षमय प्रवास भाग १३

आपण मागील भागात बघितले की, नर्मदाला कोरड्या उलट्या होत होत्या, तसेच चक्कर पण येत होती, म्हणून नर्मदाची आई तिला घेऊन सरकारी दवाखान्यात काम करणाऱ्या आशाताईंकडे घेऊन गेली होती. आशाताईंनी नर्मदाला काही प्रश्न विचारले आणि त्यानंतर त्यांनी नर्मदाच्या आईला सांगितले की, तुम्ही लोकं मुलींची लग्न कमी वयात करतातच, पण त्यांना कमी वयात मुलं झाल्याने बऱ्याच त्रासांना सामोरे जावे लागते. नर्मदाच्या आईला आशाताईंनी सांगितले की, मुलीला चांगलं खाऊ पिऊ घाल, तिला पौष्टिक अन्नाची आवश्यकता आहे. आशाताईंच्या घरुन निघाल्यावर नर्मदा व तिच्या आईची भेट चंपा सुईणीसोबत होते, तिने नर्मदाच्या चेहऱ्याकडे बघून ती गरोदर असल्याचे सांगितले. नर्मदा गरोदर असल्याचे ऐकून नर्मदाची आई खूप आनंदी झाली होती, पण तो आनंद नर्मदाच्या चेहऱ्यावर दिसून आला नाही, म्हणून घरी गेल्यावर नर्मदाच्या आईने तिच्या वडिलांसमोर नर्मदा दुःखी असल्याचे कारण विचारले, तेव्हा नर्मदाने प्रकाश बद्दल सर्व काही खरं सांगितलं.