होते कुरूप वेडे...(भाग 3 अंतिम)

राणीने काहीशा काळजी आणि उत्सुकतेने ते पत्र उघडलं. पत्र वाचताना तिचे भाव झरझर बदलत गेले. सुरवातीला वाटत असणारी काळजी नाहीशी झाली, आणि आनंदाने तिचं मन मोहोरलं. त्या पत्रावर राष्ट्रपतिंची मोहोर होती. ऑलिम्पिक स्पर्धेत भारतासाठी पदक जिंकलेल्या सर्व खेळाडूंचा राष्ट्रपतींच्या हस्ते सत्कार होता. म्हणूनच निलसह बाकीच्या खेळाडूंना दिल्लीतच थांबवून घेतलं होतं. आणि राणीला त्या समारंभाच आमंत्रण आणि विमानाचं तिकीट त्या पत्रातून मिळालं होतं.