घर असावे घरासारखे... भाग २

"भाऊ, आपण म्हणजे बाबा सोडून, आपणच असलो की, घर आनंदात असतं. पण बाबा आले की, दुधात मिठाचा खडा पडल्या सारखे तुम्ही आणि तुमचे भाऊ उठून निघून जातात. आजपर्यंत तुमची भाची म्हणजे अनघा लहान होती, पण आता ती चार वर्षांची झाली आहे. आता ती देखील तुमचे असे वागणे पाहते आहे. तिला पडणाऱ्या प्रश्नांची उत्तरे माझ्याकडेच नाहीत, मी कसं समजावून सांगू तिला? आणि शेवटी ती जे बघते, तेच संस्कार तिच्या बाल मनावर होत आहेत. त्याचे ठसे तिच्या ओल्या मातीवर उमटत आहेत. जे तिच्या भविष्यासाठी घातक आहे. भाऊ खरं सांगू तर माझ्या मुलीला असे वातावरण दाखवण्याची अजिबात इच्छा नाही. हे सगळं कुठे तरी थांबलं पाहिजे.