हुंडा : एक विकृती

त्या तान्हुल्याचा आक्रोश होत असेल गं तुझ्यासाठी. गाय जशी वासरू हरवलं तर सैरभर होते तशी तुझी आई तुझ्यासाठी झुरतेय गं वैष्णवी. डोळ्यातलं पाणी खळलं नाही त्या माऊलीच्या. ते नराधम मुक्त आहेत आज तू त्यांची शिकार होतीस उद्या दुसरी कोणी असेल. हे नाही तर अशी कित्येक कुटुंब आजही कोण्या बापाच्या पोटच्या लाडक्या गोळ्याला त्रास देऊन रोज जिवंतपणी मरणयातना देतायत. त्यांना धडा शिकवायला म्हणून तरी तू जगायला हवं होतंस.