मी पुरेशी मजसाठी भाग 40

"अंबिका प्लीज उठ आता. किती झोपणार आहेस? तुला माहितेय मिस्टर आनंद जाईची सर्व ऑपरेशन व्यवस्थित पार पडली आहेत. त्यांचा जीव धोक्यातून बाहेर आला आहे." नेहा तिला सांगत होती, "मला माहितेय तु खूप स्ट्रॉंग आहेस. मग हे छोटंसं टेंशन का घेऊन बसलीस? का इतका ताण देतेय स्वतःला? अंकुर किती काळजीत आहे आणि समिधा तिला माहित झालं तर किती त्रास होईल तिला. तिला तर तुझ्यात तिला हवी होती ती आदर्श आई दिसते. किती लवकर अटॅच झाली ती तूझ्याशी? म्हणा जन्मदात्री आई आहेस तु तिची. मग कशी अटॅच होणार नाही ती?"