आय मिस्ड यू! ( भाग ३) अंतिम

चैत्राली म्हणाली ," आणखी कोण? अंकुश! बिचारा अंकुश केवळ तुला भेटण्यासाठी तिथे आला होता. बारावी नंतर दोन तीन वेळा मला ते भेटला होता आणि सतत तुझी चौकशी करायचा. आपण बीकॉम झालो त्यानंतर एकदा बाजारात अचानक भेटला होता मला रस प्यायला घेऊन गेला त्यावेळीही तुझ्याबद्दल विचारलं होतं तुझं लग्न झालं हे सांगितलं मग त्यानंतर माझा आणि त्याचा काहीच संपर्क नव्हता तुझ्या घरातलं वातावरण आणि तुझं वागणं पाहून मला हे काहीच कधी तुला सांगावं वाटलं नाही नेहमी भेटला तेव्हा बाकीच्या सगळ्या गप्पा मी मारायचे पण तुही कधी त्याचा विषय काढला नाहीस पण आज मला वाटलं की आयुष्याच्या या टप्प्यावरती तरी किमान आपल्याला या गोष्टी कळायला हव्यात. किंवा त्याचा निचरा व्हायला हवा."