तुझ्याच आयुष्याची वाटेकरी व्हायचे आहे भाग ४७

“कस असत न. जेव्हा आपला मित्र अडचणीत असतो न, तेव्हा तो कोणी खासदार नसतो, ना कोणी इतर काही. त्याला फक्त एकच दिसत की त्याचा मित्र अडचणीत आहे आणि त्याला माझी गरज आहे. मोहीते साहेबांचे जिवलग मित्र मी. देसाई यांच्या मुलीसोबत माझ लग्न ठरलेले आहे आणि माझच नाव मिसींगमध्ये गेल्याने बाबांना टेन्शन आल होत. कारण ती न्युज बघुन सायली म्हणजे मी. देसाईंची मुलगी तब्येत बिघडली होती. आता काय कराव त्यांना कळतं नव्हत. अशा वेळेस मोहीते साहेब त्यांच्या ऑफीसमध्ये बसूनही त्यांच्या मित्राच मन वाचुन गेले होते आणि त्यांच्या मित्राच्या अडचणीत ते धावुन आले. त्यांच्या माणसांसाठी मोहीते साहेब नेहमीच पाठीशी रहातात. त्या अपघाताच्या ठिकाणी सर्वात पहिले पोहोचलेले नेते म्हणजे तेच होते. तु्म्हालाही कळल असेल ते. फक्त मलाच नाही. त्यांनी अपघातात सापडलेल्या प्रत्येकाची निट ट्रिटमेंटची सोय करुन त्यांची नीट चौकशी केली होती.”