इम्परफेक्टली परफेक्ट बाँड ऑफ लव्ह - भाग २४

समीर देखील आपल्या डिपार्टमेंटमध्ये गेला. ‘आपण बागेतील घटनेबद्दल विचारताच प्रिशाने जाणीवपूर्वक विषय का बदलला?’,ही खुमखुमी त्याला काही केल्या शांत बसू देत नव्हती.’खरंच अशी का वागते ही? ठीक आहे हुशार,जबाबदार प्रोफेसर आहे पण दुसऱ्या व्यक्तीच्या देखील भावना जपायला हव्यात की नको?’,या विचाराने तो पुरता उदास झाला.खरं तर त्याचे प्रिशावर खूप प्रेम होते,त्यामुळे तिला कसल्याही प्रकारे दुखावणे त्याला मान्य नव्हते; किंबहुना यात स्वतःला मात्र कितीही दुःख झाले,मानसिक त्रास झाला तरीही तो सहन करणे त्याला जास्त योग्य वाटत होते.