इम्परफेक्टली परफेक्ट बाँड ऑफ लव्ह - भाग २७

हर्षु प्रिशाजवळ गेला.तिचा हात हातात घेऊन तिला त्याने मायेने गोंजरले.तिच्यापेक्षा लहान असूनही भाऊ असल्याचे कर्तव्य करत तो पुढे म्हणाला,
" ताई,मी सगळं बघतोय तू,आई आणि बाबा कशातून जात आहात ते..फक्त मी त्याबद्दल उघड न बोलता सगळ्यांना हसवण्याचा प्रयत्न करतोय आणि वातावरण चांगले ठेवण्याचा प्रयत्न करतोय.हे बघ ताई, रागराग करून काहीही होणार नाही,त्यामुळे तुलाच जास्त त्रास होईल.त्यापेक्षा आईने सांगितले तसे तू थोडा दिवस ब्रेक घे कामातून..तुला सांगू? आमचे सर नेहमी म्हणतात जे होतं ते चांगल्यासाठीच होतं.त्यामुळे झालेल्या गोष्टींवर विचार करत कुढत बसण्यापेक्षा मनाला थोडे दिवस रिलॅक्स होऊ दे.मी तुझ्यापेक्षा लहान असलो तरीही माझे फक्त एवढेच ऐक. बास.. तुला तिथून आल्यावर जो निर्णय घ्यायचा तो घे.हवं तर मी आई बाबांना त्यावेळी पटवेल कसाही..पण आता तू कसलंही टेन्शन घ्यायचं नाही."