ईरा चॅम्पियन्स स्पर्धा २०२५ मनोगत

काय सुंदर होते ते दिवस! रोज रात्री ग्रुप वर सगळेजण चर्चेत सहभागी व्हायचे. मिनाक्षी ताईंच्या तब्येतीमुळे त्या कमी वेळ ऑनलाईन असत. चेतन सर, अश्विनी, शिल्पा सुतार, विद्या कु़ंभार, मधूनच डोकावून हास्याचे फवारे करून जाणारी खुशी, ऋतुजा, शिल्पा परूळेकर ताई, सुशांत सर, सर्वेश सर, जानकी आणि रेखाताई सगळेजण विजयाच्या दिशेने घोडदौड करत होते. मध्येच ग्रुपवर थांबून थोडा विसावा घेत पुढच्या टप्प्यावर जात होते. आणि विजयाची पताका फडकवली आमच्या अश्विनी टीमने! याचे सगळे श्रेय जाते आमच्या ग्रुपच्या एकीला आणि सामंजस्याला! बेस्ट कॅप्टनचा पुरस्कार हुकला याचे मात्र मनस्वी वाईट वाटतेय.